Ном делгелгези "ЧОГААЛЧЫ, ЧУРУКЧУ, КААСТАКЧЫЗЫ"
Шомаадыр Дойлуевич Куулар (1943-2020) – Тыванын билдингир чогаалчыларынын бирээзи. Ол онза талантылыг журналист, чогаалчы, чурукчу.
Тыванын база бир талантылыг кижилеринин бирээзи Шомаадыр Дойлуевич Куулар 1943 чылдың март 22-де Чѳѳн-Хемчик кожууннуң Хѳр-Тайга деп суурунга тѳрүттүнген.
Шомаадыр Дойлуевич Кызылдың уран-чуул училищезиниң чурулга салбырын чедиишкинниг дооскаш, Новосибирскиниң Дээди партия школазын дооскан. Шомаадыр Дойлуевич журналистика ажылының хой адырларынга ажылдап чораан. «Тываның аныяктары», «Тыва Республика», «Правительственный вестник» солуннарга редакторлап, лекторлап-даа чораан.
Шомаадыр Дойлуевич Кууларга 1993 чылдын май 31-де чедиишкинниг болгаш кызымакай ажыл-ижи дээш «Тыва Республиканын алдарлыг ажылдакчызы» деп хүндүлуг, бедик атты тываскан. Россиянын Парлалга яамызынын, Россиянын журналистер эвилелинин база Тыва Республиканын хой-хой Хүндүлел бижиктеринин болгаш щанналдарынын эдилекчизи. Шомаадыр Дойлуевич Куулар Россиянын Журналистер эвилелинин болгаш Тыванын чогаалчылар эвилелинин кежигуну.
Шомаадыр Дойлуевич Куулар – Тыванын база бир билдингир чогаалчылырынын бирээзи. «Баглааш», «Шораанарда дайгы», «Амыдыралдын чиргилчиннери», «Кок хевек» деп чогаалдарнын автору. (Капсырылгы №1) Оон ангыда ол салым-чаянныг чурукчу.
Шомаадыр Куулар – чурукчу-каастакчы.
Шомаадыр Дойлуевич Куулар 10 гу класска «Тываның аныяктары» солуннуң чурукчу каастакчызы, ооң соонда Тываның «Алдан Маадыр» музейинге чурукчулап ажылдап чораан. Кандыг-даа ажылдарга ажылдап чорааш чуруун салбайн, Тываның билдингир чогаалчыларының чогаалдарынга номнарның каасталгазын белеткеп кылгылаан. М.Кенин-Лопсаннын, Е. Танованын, Л. Чадамбанын, Ю. Кунзегештин болгаш оскелернин-даа чогаалдарынын каасталгазын Шомаадыр Дойлуевич кылган. Чүг-ле бо чогаалдардан ангыда, Тывада унуп турар солун-сеткүүлдернин, чамдык ооредилге номнарынын, бичии уруглар номнарынын чурук каасталгазынга киришкен. Ылангыя бичии уругларга номнарны чуруп каастааны кайгамчык. Шоома Даржайнын 1985 чылда унген «Аякты кым бусканыл?» деп аттыг номунда чурук каасталгазын ѳң чок, кара будук-биле чураан. Ынчалзажок шүлүк бүрүзүнүн дужунда бичии кижиге билдингир кылдыр таарыштыр чуруктарны чуруп коргускен. Таспай Сааянын 2002 чылда үнген «Адыг оглу», Хертек Леновтун 2006 чылда үнген «Чашта чараш» деп уругларга номнарынын каасталгазын база Шомаадыр Дойлуевич кайгамчык чараш, онгур кылдыр, бичии кижинин сагыш-сеткилинге таарыштыр, чоок белеткеп кылган.
#библиотека_акдовурак #Культура_акдовурак #чтениеАкДовурак #БиблиотекиТувы #ПисателиТувы
Ном делгелгези "ЧОГААЛЧЫ, ЧУРУКЧУ, КААСТАКЧЫЗЫ"
30 Мар.
