Ак-Довурак хоорайның модельдиг библиотеказының ажылчыннары Даг-ʏлетпʏр техникумунуң сургуулдарынга Ада-чурттуӊ Улуг дайыныныӊ киржикчизи, эки турачы Доваадор Галина Тоӊмитовнаныӊ (Кыргыс Сынаа) 100 харлаан оюнга таварыштыр «Чаңгыс намдар – чоннуң тɵɵгʏзʏ» деп сактыышкын кичээлди сонуургадып эрттирген.
Г. Т. Доваадор 1943 чылда Тыва эки турачыларныӊ аъттыг шериг эскадронунуӊ кезээнге, Украинаны хостаар талазы-биле дайынчы хɵделиишкиннерге эрес-дидим эки турачы болуп, фронтуже чоруткан.
Дайын соонда Г. Т. Доваадор республиканыӊ социал-экономиктиг хɵгжүлдезинге улуг үлүүн киирип, шаӊнал-макталдыг ажылдап чораан. Тɵрээн чурттуӊ мурнунга ачы-хавыяалары дээш Тыва Арат Республиканыӊ ордени, Ада-чурттуӊ Улуг дайыныныӊ орденнериниӊ I-ги болгаш II-ги чергелери, 10 аӊгы медальдарның эдилекчизи.
Галина Тоӊмитовна аныяктарга тɵлептиг, кижизиг үлегер-чижээн кɵргүзүп, чагыг-сүмезин берип чораан тыва эки турачы.
#ТувинскиеДобровольцыВОВ #библиотека_акдовурак #чтениеАкДовурак #БиблиотекиТувы
«Чаңгыс намдар – чоннуң тɵɵгʏзʏ»
18 Мар.
