Март 6-да А.Уржаа аттыг тɵп ном саңыга ТР-ның чогаалчылар эвилелиниң кежигүннери Римма Ооржак болгаш Лидия Иргит-биле «Ада чурт камгалакчызының чылынга» тураскааткан «Тɵрээн чурт. Тɵрел чонум. Ѳг-буле» деп чогаадыкчы ужуражылга болгаш ооң иштинде Римма Ооржактың шүлүктеринге хоорай черлелиг мɵɵрей болуп эрткен. Шулуктер мɵɵрейинге ниитизи-биле 34 ɵɵреникчи киришкен. Моорейнин бир онзгагай чүүлү – Ак-Довурактың кадыы багай уругларның школа интернадының ѳѳреникчилери идепкейлиг киришкеннер. Улуг чогаалчылар тɵрээн чурттка ынакшыл болгаш тɵрел аймактың быжыг харылзааларының чугулазын келген аалчыларга тайылбырлап чугаалааны кончуг сонуурганчыг болган. Тиилекчилерниң уран-номчулгазын үнелеп кɵɵру–биле жюриге «Мажалык» чечен чогаал катыжыышкынының кежигүннери, ТШО киржикчизи Влад Ооржак, хоочун башкы Алдын-кыс Ооржак база хоочун культура ажылдакчызы, болгаш хɵй-хɵй уран номчулга мɵɵрейлериниң киржикчизи Любовь Саая шалыпкын ажылдааннар. Ѳртектиг белектерни чогаалчы Римма Ооржак боду тиилекчилерге сɵңнээн. Улуг чогаалчыларывыс ном саңынга боттарының номнарын белекке бергени дыка ɵɵрунчуг болган. Ужуражылга солун болгаш ɵɵредиглиг болган.
