Бөгүн, 2025 чылдың июнь 9та, А. Үержаа аттыг төп ном саңынга даштыкы аалчы, философия эртемнериниң доктору, Стамбул университедидиң доцентизи, Беларусь Республикада Президентиниң удуртулга академиязының түрк дыл башкызы Али Ылгын-биле чогаадыкчы ужуражылга болуп эрткен. Али башкы тофаларлар дугайында диссертацияны камгалаан, бир чыл бурунгаар тыва дылды база өөренип эгелээн, дыка эки тывалаар кижи болду. Ажылының аайы-биле тыва төөгү, езу-чаңчылдар болгаш аас-чогаалының дугайында материалдар чыып, ном саңынга келген аалчылардан интервьюларны ап, оларның үннерин тырттырып алган.
Аалчыны Ак-Довурактың даг-үлетпүр техникумунуң башкызы Сайлык Олчат-оол эдертип, чоокта чыдар чараш черлерже чедиржип, ужуражылгаларны эрттиржип турар.
Бистиң ном саңынга даштыкы аалчының киргенин база бир онзагай чүүл кылдыр үнелеп, башкыга чедиишкиннерни, а ном саңынга эртемденнер-биле ужуражылгалар удаа-дараа эртип, чонга, номчукчуларга ажыктыг өөредиг болуп турарын күзеп каалыңар!
Аалчывыс- Турциядан эртемдээн
09 Июн.
