Номчукчу кижиге номну бижип каан чогаалчы-биле ужуражылга утундурбас болуушкуннарның бирээзи болур. Ак-Довурак хоорайның А.Үержаа аттыг ном саңынга хүндүлүг аалчыларывыс-биле солун, ажыктыг ужуражылга эрткен. Ол дээрге Николай Шагдыр-оолович Куулар - Тываның улустуң чогаалчызы, Тываның ном үндүрер чериниң кол редактору база Зинаида Салчаковна Серен-Чимит - гомеопат эмчи, шүлүкчү, чогаалчы, Тываның чогаалчылар эвилелиниң кежүгүнү.
Тыва чогаалдың амгы үеде сайзыралы, аныяк чогаалчылар, тыва дылда үннүп турар номнар, чогаалчы биле номчукчуннуң харылзаазы дээш оон-даа өске айтырыгларга чогаалчыларывыс тайылбырны берип ажык чугааны кылганнар.
Николай Шагдыр-ооловичиге, Зинаида Салчаковнага номчукчуларывыска кайгамчыктыг солун ужуражылганы кылып бергенинге улуу-биле четтиргенивис илередип тур бис.
Хоорайның библиотекаларында янзы-бүрү хемчеглер болуп турар, бо бүгүнү өй шаанда дүрген билип алыры-биле вайберде бөлүүвүсче база чалап тур бис, телефон номерин бисче бижиптериңерге кожуптар бис.
#библиотека_акдовурак #писателиТувы #чтениетыва
Чогаалчылар-биле ужуражылга
17 Окт.
