#БайлаамТываДылым #НомДелгелгези
Тыва Республиканың Баштыңы Шолбан Кара-оолдуң 2016 чылдың январь 18-те ат салганы 11 дугаар Чарлыы-биле, ноябрь 1-ни - Тыва дылдың хүнү кылдыр доктааткан соонда, республика ону чылдың-на калбаа-биле демдеглеп эрттирип турар.
Тыва Республиканың күрүне дылы, тыва чоннуң культурлуг болгаш сагыш-сеткил өнчү-байлааның чарылбас кезээ болур тыва дылды кадагалап, деткип база сайзырадыры-биле чылдың-на ноябрь 1-де Тыва дылдың хүнүн демдеглеп эрттирерин доктаадыр деп, Тыва дыл хүнүнүң дугайында чарлыкта тайылбырлаан.
Ол хүннү тургузар дугайында эгелекчи саналды Улустуң чогаалчызы Александр Александрович Даржай киирген.
Республиканың кожуун, суурларында өөредилге, культура болгаш эртем албан черлеринге тыва дылды сайзырадырынче, байлакшыдарынче болгаш чугаа культуразын бедидеринче угланган хемчеглерни ол хүнге тураскаадып эрттирери чаңчылчаан. Ак-Довурак хоорайның ном саңнарынга база октябрь 26-дан ноябрь 1-ге чедир Тыва дыл хүннүнге таварыштыр янзы-бүрү хемчеглер болуп эртер.
Байлаам - тыва дылым. Ном делгелгези
26 Окт.
